REINSTENII


REINSTENII
REINSTENII
nomen illustris Familiae, in qua memoratur A. C. 1190. tempore Henrici Leonis, quidam Henricus Comes de Reinstein. Eius pronepoti Ulrico Reusnerus dat liberos, Henricum, satorem Blanckenburgiorum (in quo forte fallitur, Blamoncios in Lotharingiae confiniis cum aliis Blanckenburgiis confundens.) ac Ulricum, reliquorum Comitum Rempsteniorum et Blanckenburgiorum auctorem. E quibus cum ultimus exstinctus esset, ditiones ad Brunsuicenses partim devolutae sunt, partim Tattenbachiis obtigêre. Series Familiae ab aliquot saeculis ista est: Ulricus Comes de Reinstein, ex Catharina Comite Lippiae, pater fuit Bernhardi; qui, iunctâ sibi Agnete Schwartzenburgicâ, suscepit ex ea filium cognominem avo. Huic Anna Comes Honstenia peperit itidem Ulricum, qui obiit A. C. 1551. Pater ex Barbara Comite Mansfeldia Ernesti, defuncti A. C. 1581. Hic maritus Barbarae Comitis Honsteniae, ex ea genuit Martinum, qui decessit A. C. 1597. susceptô ex Dorothea Comite Solmensi Ioanne Ernestô, familiae ultimô, Com. de Reinstein et Blanckenburg. Idem Spener. ibid. Part. II. p. 81.

Hofmann J. Lexicon universale. 1698.


Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.